بقلم مهندسة البرمجيات/نوران محمد المصري - كلية الحاسبات والذكاء الاصطناعي جامعة حلوان
لماذا برنامج المعلوماتية الطبية؟
Department of medical informatics
ليه بقى فيه medical informatics??
في فترة التطور الملحوظ في تكنولوجيا المعلومات والاهميه اللي ظهرت ليه اللي خلت العالم كله يركز مع كليه زي حاسبات وذكاء اصطناعي كان لازم يتعمل focus على اي حاجه ليها أهمية عشان يدخل الجانب التكنولوجي فيه ويقلل تعامل البشر معاها عشان نحاول نقلل المخاطر بتعته وطبعا مفيش اهم من الإنسان وصحته عشان نهتم بيه ، عشان كده اتعمل قسم Medical informatics اللي بيكلم المجال الطيبي والذكاء الاصطناعي زمان عشان كان يتعمل اي حاجه ليها علاقه بالطب كان المبرمج لازم يقعد مع الدكتور ويفهمه كل حاجه من الاول طبيعه جسم الإنسان ورد فعل الجسم وكل حاجه عشان يقدر يصمم System وده كان بياخد وقت ومجهود كبير جدا عشان يوصلوا للترجت او ممكن ميقدرش يوصل ليه لكن دلوقتي القسم ده او المهندس اللي هيتخرج منه هيكون عنده القدره انه يعمل السيستم من غير ما يرجع لحد بالعكس هو حاليا يقدر يعمل حاجات اكبر من تخيلات الدكتور نفسه بس مش معنى كده أننا دكاتره لا القسم ده بيعلمنا ازاي نكون 1*2 يعني نص دكتور ونص مهندس وده لاننا بندرس مواد زي anatomy و physiology وhistology و biochemistry و pharma و Para وغيرها كتير من المواد الطبيه الي جانت التخصصات الطبيه زي عيون واطفال ونساء وجراحه وغيرهم وبناخد كمان ومواد الإدارة عمتا للمستشفيات خصوصا وبجانب مواد حاسبات زي cs, database, ،Pl datastructure ،oop وغيرهم وده كله بنجمعه عن طريق System احنا بنصممه فنكون عملنا system في المجال الطيبي خلي بالك ان القسم ده مهم جدا وحساس جدا وشغلك متعلق بحياه انسان زيك زي الدكتور بسببك انت يقدروا يكتشفوا مرض زي السرطان اسرع يحللوا الأمراض بالشكل المرئي والرقمي تشخيص الأمراض هيبقى أدق ومساعدتنا لزوي الهمم والأعضاء التعوضية روبوت يشخص وروبت يعمل عمليه وحاجات كتير لا يمكن تتخيلها ولا تتخيل انك ممكن فعلا تعملها وكل ما بندرس اكتر كل ما هتكتشف حاجات تعملها اكتر انت بتشتغل وبتاخد ثواب كمان في جملة قرأتها قبل كده في بوست ان مهندس البرمجيات الطبيه هو مهندس الرحمة لان هدفك بيتحول انك ازاي هتساعد الناس المحتاجه اكتر هتلاقي بتعصر دماغك وتحاول تتعلم اكتر عشان تعمل بروجكت يفيد فعلا مش عشان درجات وده اللي الكليه علمتهولنا فعلا من اول سنه
طب نيجي بقى للشغل والمسمي الوظيفي لو دخلت القسم ده
احنا هنتخرج مهندس برمجيات من حاسبات وذكاء اصطناعي عادى جدا نقدر نشتغل فى مجالات حاسبات المختلفة و دي نقطه بتميزنا جدا اننا استفدنا اننا في قسم زي المعلوماتية الطبيه اللي نقدر نشتغل فيه الي جانب اي شغل مهندس من الشعبه العامه
الشغل بعد التخرج كتير مش قليل لان اننا ان شاء الله نقدر نشتغل فى المستشفيات وشركات الادوية والمؤسسات الصحية والرعاية الصحية ومن امثلتهم مستشفي 57 والمركز الطيبي العالمي والنيل وغيرهم كتير ..
وكمان نقدر نشتغل في شركات المعلومات وعلى وجه الخصوص المعلوماتية الصحية.
مختبرات المؤسسات وشركات المعلومات
شركات التكنولوجيا الطبية
منظمات الصحة العامة وشركات البرمجيات الطبية
شركات التأمين الصحي، والمنظمات الحكومي.
شركات إنتاج البرمجيات وعلى وجه الخصوص المتعلقة بالمنظومة الصحي
إدارة تقنيات المعلومات بمختلف المؤسسات
مدير تقنية المعلومات بالمؤسسات الطبية
السجلات الصحية مدير قواعد البيانات
مدير شبكات المعلومات
مدير نظم التشغيل
محلل نظم المعلومات (محلل نظم التطبيقات الصحية)
مصمم ومطور نظم في البيئات الحديثة
مطور برمجيات قواعد البيانات الصحية
مطور تطبيقات الموبايل
محلل بيانات كبيرة (صحي)
باحث في مجال المعلوماتية الحيوية
طيب تدخل القسم ازاي
القسم ده غير اي قسم في الكليه لاننا بنتخصص في سنه اولى مش سنه ٣ وده اللي بيخلينا اقويه بكتير عشان بندس من سنه اولى طبعا البرمجة لان شغلنا كله اساسه البرمجة الى جانب التخصص بتاعنا الي هو Medical بمعني ان احنا بناخد كل ترم مادتين تخصص والباقي مواد حاسبات القسم ده credit يعني بمصروفات خاصة على حسب الساعة المعتمدة وسعر الساعة بتختلف من سنه لتانيه الدراسه بتكون 135 ساعه عشان تتخرج بتكون متقسمة على 8 semesters و بالنسبة للدكاتره اللي بتدرس في القسم بتكون دكاتره من كلية طب ومن كليه حاسبات وذكاء اصطناعي لاننا زي ما قولنا في الأول احنا 1*2
بعد ما الطالب في ثانوي يكون جاله في التنسيق كليه حاسبات وذكاء اصطناعي يقدر يسحب ملف ويقدم في القسم بكل سهوله، طب افرض انا جاتلي الكليه بس جامعه تانيه عادي تقدر تيجي وتقدم في القسم وان شاء الله تتقبل الانترفيو بيكون سهل جدا ومفهوش اي صعوبه
هل الدراسه سهله ولا صعبه؟؟
خلينا واقعين ان مفيش اي كليه سهله كل واحد ربنا بيحطه في المكان اللي يقدر عليه الكليه محتاجه عندنا مذاكره وحل وتبقى متابع على طول عشان تكون مميز وبما ان تنسيقك جبلك الحمد لله الكليه ولو دخلت القسم فأنت مش هتحتاح مجهود اكتر من اللي انت عملته في ثانوي وهتقدر تجيب تقدير عالي.
